…Un poko mas espasio finansiero?…

Willemstad – Òktober 2013: Banco di Caribe djasabra awor lo brinda su klientenan un oportunidat úniko; un dia dediká eksklusivamente na fiansa personal. Un fiansa personal na midí sigur ta krea espasio finansiero den budgèt di tur hende. Un vakashon, remodelashon di kas, proyektonan spesial òf motibunan médiko, Banco di Caribe tei pa ofresé un i tur un ‘rosea’ p’asina nan por konkretisá nan plannan. Riba e ‘Dia di Fiansa’ Banco di Caribe su ofisina prinsipal na Saliña lo ta habrí solamente pa esnan ku ta deseá di hasi petishon òf risibí informashon pa un fiansa personal. Loke ta hasi e ‘Dia di Fiansa’ realmente faborabel ta ku Banco di Caribe lo brinda tur su klientenan un fiansa personal na un interes masha atraktivo. Tur kliente ku hasi nan petishon pa un fiansa i risibí esaki lo partisipá den e kampaña di 40 aña Banco di Caribe ku un total di 4 chèns pa gana Ang. 10,000.00. Pa duna e ‘Dia di Fiansa’ un toke familiar Banco di Caribe a prepará un skina pa mucha, di e forma aki mayornan por tuma nan tempu pa risibí tur informashon di nan fiansa personal na Banco di Caribe. Na esnan ku ta deseá di apliká pa un fiansa ta pidi pa trese; último 2 slepnan di salario, identifikashon bálido, deklarashon di doño di trabou i e último 2 estadonan di kuenta (si bo no ta kliente di Banco di Caribe ainda). Tur hende ta keda kordialmente invitá pa forma parti di e ‘Dia di Fiansa’ i probechá di e interes spesial den un ambiente sosial. Tin motibu sufisiente pa djasabra dia 12 di Òktober próksimo entre 9’or di mainta i 3’or di atardi, tur esnan ku ta deseá un fiansa personal akudí na Banco di Caribe Saliña.