Djárason 27 di yanüari na Kleine Werf entre 6.00 PM – 9.00 PM

E Jump-In ku Dj Bryan Rosa, GIO, ERA, DREAMS, GENTZ I CACHE/NASTYPLAY.

WILLEMSTAD- Djárason 27 di yanüari lo tin entrega di T-shirt di e Jump-In “Esaki si ta 100 100 ” organisá pa Team di Softball di Maduro & Curiel’s Bank, gruponan di karnaval Vice Vèrsa i “Ata Insel”. Entre 6.00 PM i 9.00 PM tur persona ku a kumpra nan karchi di e Jump-In ariba menshoná por pasa na Kleine Werf i tuma nan T-shirt. Kòrda ku e T-shirt di e Jump-In huntu ku e karchi ta bo entrada. Si dado kaso bo no a haña chèns di kumpra bo karchi di Jump-In ainda, bo por buska di bo serka miembronan di Softball Team MCB, gruponan di karnaval Vice Vèrsa i “Ata Insel”. Por pasa tambe na kantor di Fun Miles durante oranan di ofisina i kumpra karchi pa 2000 Fun Miles òf 750 Fun Miles mas NAf. 25,–. Djárason 27 di yanüari tambe por kumpra karchi di entrada na Kleine Werf usando bo tarheta di Fun Miles i tuma bo T-shirt mesora.