Coridja Stars Productions kier a hasi un yamada urgente riba tur finalista di tur e elekshonnan di Reina, Prens i Pancho i Tumba Hubenil di 2015 pa tuma kontako ku nos pa nan por risibí nan invitashonnan pa e respektivo sertamennan den kual nan a partisipá i keda elihí sea komo finalista òf un título adishonal.

Por pasa tuma bo invitashon na ofisina di Coridja Stars Productions na Breedestraat (O). Pa kualkier informashon por yama na number di telefòn 4613352 òf manda nos un mail ku bo informashonnan, nòmber i number di telefòn na info@coridjastars.com Hasi esaki mas pronto posibel debi ku nos aktividat pa koronashon di nos embahadornan ta djasabra awor 23 di Yanûari 2016.