KRALENDIJK – Òktober: Resientemente Radio Digital 91.1FM a selebrá su di 10 aniversario i Digicel tabata un di e branding partnersnan ku a uni den e selebrashon formando parti di un tremendo kampaña. Durante 7 luna largu Digicel huntu ku 9 otro kompania a sostené e kampaña di Radio Digital den kual un representante di e 10 kompanianan partisipante por a gana un Hyundai Accent nobo nobo. Digicel tambe a skohe kliente pa representá Digicel den e kampaña di Radio Digital via di un kampaña di SMS. Tabata Sra. Ruthseline Morillo ku a resultá e kliente ku a  manda mas tantu SMS durante e 7 lunanan di e kampaña i a bin na remarke pa representá Digicel i purba gana e outo. Tur 10 partisipante den e kampaña a bai kas ku un premio fabuloso; e representante di Digicel, Sra. Morillo a bai kas ku un stof ku fòrnu nobo nobo. Ademas di esaki e tim di promoshon di Digicel tabata presente pa selebrá huntu ku e pueblo di Boneiru ofresiendo telefon na preis di baka flaku. “Nos ta mashá kontentu di por a forma parti di e selebrashon di Radio Digital 91.1FM, nos ta deseá nan hopi éksito pa e próksimo añanan. Nos ta felisitá MCB ku a resultá e branding partner ganador di e Hyundai Accent”, esaki di akuerdo ku Irvinia Daantje, relashonista públiko pa Digicel. E selebrashon di Radio Digital a konta ku animashon di ERA Outéntiko, Rincon Krioyo, Son Boneriano, Brass Band Euforia i Young Multi Color. Riba fotonan athuntu por mira parti di e selebrashon i e entusiasmo di parti di klientenan pa e preisnan super atraktivo ku Digicel tabata tin na okashon di selebrashon Radio Digital.