Garage Cordia orguyosamente ta anuncia Di e revista Consumer Reports

ORANJESTED , Aruba 18 januari 2016 : Consumer Reports ta un organisacion independiente cu, entre otro ta haci testnan di comparacion di productonan y servicionan, y ta duna recomendacionnan basa riba e resultadonan. Ademas, e institucion ta haci sondeo entre su abonadonan pa cu asuntonan manera confiabilidad di producto of resultadonan di uzo di productonan. Na December 2015, e revista a publica e resultadonan di un cuestionario online yena pa nan abonadonan. E topico tabata confiabilidad y Garage Cordia ta masha orguyoso pa anuncia cu e fabricantenan di auto cu nan ta representa na Aruba, esta Toyota y Lexus a sali #1 y #2 overall den e sondeo.

“Lexus a logra pa di 3 anja consecutivo mihor marca di vehiculo, obteniendo scorenan superior pa confiabilidad pa tur shete liña di vehiculo cu a wordo evalua den nos sondeo,” e revista a bisa den e publicacion di e articulo riba e topico “2016 New-Car Predicted Reliability”. E 7 modelonan di Lexus a score un average di 64% y e Lexus NX a resulta e miho modelo den e sondeo. 14 modelo di Toyota a wordo getest, hunto nan a yega un score averahe di 56% y e miho modelo di auto a resulta e Toyota Prius C, cual tambe a keda na di prome luga den e categoria Hybrid/Electric.

E auto survey pa 2015, cu a wordo organisa na cuminsamento di aña pasa, a uza informacion di abonadonan di Consumer Reports, kende hunto tabata doño di of a lease mas di 740 mil vehiculo. E abonadonan a yena e cuestionario online. Esaki ta e sondeo di mas grandi di su tipo, unda cu a cubri 17 area problematico.

E participantenan a contesta preguntanan basa riba aspectonan cu tin di haci cu siguridad, fayo y costo, entre otro. E scorenan ta mustra si acaso e doño ta spera cu e vehiculo nobo lo duna problema cu ta miho of pio cu e average, e revista ta splica.

Particularmente den e categoria Luxury Compact Cars y Hybrid/Electric Cars, tanto Toyota como Lexus a score hopi halto, o sea cu nan autonan ta esunnan mas confiabel. Lexus CT 200h y Lexus IS ta na e prome y di dos luga den e categoria di Luxury Compact Cars; y den e categoria di Hybrid/Electric Cars e prome cauter luganan a bay pa Toyota Prius C, Toyota Prius, Lexus CT 200h y Toyota Prius V.

Toyota Corolla a keda riba e di dos luga den e categoria Compact Cars; Toyota Camry a tuma e prome luga den e categoria Midsize Cars; y Toyota Avalon a keda na e top di e lista di fullsize Cars. Den e categorianan Midsize SUV, Luxury Midsize/Large SUVs, Pick Up trucks y Large SUVs, atrobe Toyota y Lexus a sali den e top di vehiculonan confiabel. Siguiente ta e otro resultadonan: Midsized SUV: Toyota 4Runner (#2) y Toyota Highlander (#4); Luxury Midsized/Large SUV: Lexus GX (#1); Pickup Trucks: Toyota Tundra (#1); Luxury Compact SUV: Lexus NX (#2) y Large SUV: Toyota Sequoia (#1).

Den un otro serie di test publica den un articulo, Consumer Reports a haci “road test” cu diferente vehiculo cu nan ta recomenda como un alternativo pa e minivan. Den e testnan aki, den e categoria 3-row Midsized SUVS, e Toyota Highlander XLE (V6) a haya scorenan hopi halto, kedando na e di dos luga riba e lista. Riba e lista di autonan den e categoria “Large Cars”, Toyota Avalon (#7) y Lexus ES (#9) tambe ta aparece entre esunnan mas confiabel y recomenda.

Garage Cordia ta invita nan clientenan y futuro cliente pa bishita na e showroom na Camacuri pa un “first  look” di tur e modelonan di auto Lexus y Toyota cu a forma parti di e sondeo di Consumer Reports. E aña aki Toyota Corolla ta celebrando 50 aña y gerencia y personal di Garage Cordia tin e ultimo modelo di e Corolla den nan showroom pa bishitantenan admira y “testdrive”.

Pa mas informacion subi e Link : http://www.consumerreports.org/cars/most-and-least-reliable-cars