…. DREAMS, CACHE ROYAL, GIO 3-pa-3 henter anochi….

WILLEMSTAD- OKT- 2013: Awe ta e dia! DREAMS ta klá pa selebrá..hieperdepiep hoera! “Nos ke gradisí tur fanátiko ku a kumpra nan karchi pa awe nochi forma parti di e grandioso selebrashon. Awe nochi nos lo saka kara di tur fanátiko, demostrando nos kreatividat i amor pa e loke ku nos a bin ta hasi”, asina Axel Pikero a komentá. E agrupashon musikal lo brinda 12’or di anochi ku tur fanátiko. Awe nochi e ambiente no ta den Bananas pero den Club Facade XXL, fanatikonan di DREAMS ta prepará pa un anochi di ambiente nònstòp sin stòp. “Awe dia 9 di Òktober, lo ta un anochi di hit tras di hit”, Pikero a kontinuá. Ya for di den trempan e karchinan di 25 florin a kaba, por hasi menshon ku e karchinan di 35 florin a bai duru i por konta ku un públiko masivo. DREAMS lo forma kombinashon ku GIO Fuertisimo i Cache Royal pa presentá un ambiente maratóniko, e selebrashon di e 3er aniversario di DREAMS ta tuma lugar manera antisipá awe nochi den Façade. Pa e okashon aki Richie Rich lo kanta huntu ku DREAMS, bandanan lo toka 3-pa-3 henter anochi i ta primintí pa bira un anochi tur afó. Algu ku sigur mester suprayá ta ku, su siguiente dia 10 di Òktober ta dia liber! Pa esnan ku ainda no tin nan karchi por akudí pa karchinan na rason di 35 florin na Beep Beep RIO, Tik Tak i Servei.