ORANJESTAD, Aruba – 15

di januari 2016: Riba e di dos diadomingo di Januari a tuma luga e tan anticipa Aruba Boat Fest, organisa pa Otis Varadero Marina Boat Yard.  Ya for di 10’or di mainta, tur hende a aglomera na Surfside Marina pa asina participa na e actividad aki, cual a tuma luga pa di tres aña. Alrededor di 3000 hende y rond di 150 boto a forma parti na e magno evento aki, cu a dura te cu 7’or di anochi.

A crea un tremendo ambiente door di pone un scenario riba awa, arma pa Scaff Pro y Elite. Artistanan local a spin riba e dia aki, entre nan Nutzbeats, Jeon, Dj Chuckie y Like Mike di Dimitri Vegas tabata presente. Tin cu agrega cu Like Mike no por a resisti y mester a haci un bishita na e actividad aki.

E evento aki a wordo patrocina pa Cerbes Chill.