Coridja Stars Productions huntu ku TDS, ta ofresé pueblo di Kòrsou un kanal mas, kaminda tur informashon ku tin di aber ku Karnaval lo keda presentá.

Meta di e kanal aki ta pa duna informashon balioso tantu na e públiko ku ta bishitá e fiesta kultural di mas grandi akí di Kòrsou, na e karnavalistanan engeneral i na tur ku ke ta bon informá.
Lo tin entrevista ku e diferente stakeholdersnan di Karnaval di Kòrsou tambe lo tin informashon di aktividatnan organisá tantu pa Coridja Stars komo pa gruponan. E kalendario karnavalesko tambe lo ta disponibel riba e kanal akí. Atrabes di e kanal aki lo bo por disfrutá di e diferente aktividatnan karnavalesko ku ya a tuma luga. Pues den poko palabra un kanal di karnaval.
Danki na  TDS, na e tim di Fundashon Korsou tin hóben positive/HP production pa e parti di grabashon i editing , Reynard Francisca komo creative director i Solange Trinidad ku tin e parti di presentashon i kordinashon general na su enkargo.

Pues si bo tin mester di kualke informashon relashoná ku Karnaval 2016, djis bishita kanal 79 di TDS pa bo keda bon informá.