ENNIA ta regalá Heavenly Neuman, e promé beibi di 2016, un plan pa estudio. Mayornan di e chikitín ku a nase riba promé di yanüari ta kontentu ku e seguro. ENNIA a regalá e plan pa estudio ku un kapital di 6000 florín sigurá. Ku un kapital pa estudio ku ta sigui krese, e promé beibi di 2016 por bai studia ora e ta mas grandi pa asina sigurá su bon futuro.

Un estudio ta kostoso i e posibilidat pa atkerí un beka ta birando mas i mas difísil. Pa e motibu ei, i alabes pa duna mayornan un man, ENNIA ta introdusí un produkto di seguro nobo. “E Plan pa Estudio di ENNIA ta un kombinashon úniko di spar i siguro i ta ofresé tantu mayor komo studiante siguridat i diferente benefisio.”, asina Patrick Wagner, Sales & Marketing Manager di ENNIA, a duna di konosé.

E karakterístiko- i benefisionan prinsipal di e Plan pa Estudio di ENNIA ta:

• Kapital pa estudio garantisá. Ora di inkapasidat laboral òf fayesementu prematuro di mayor, e yu lo risibí e kapital sigurá pa su estudio tòg.
• Fecha di pago flèksibel. Si e yu ta bai studia mas trempan òf mas lat ku a plania, por adaptá e fecha di pago.
• Libertat pa skohé sistema di pago. Na fecha final di e seguro, mayornan por skoé pa un pago mensual di e kapital durante e periodo di estudio. Un otro opshon ta pago den un solo biaha ora e yu kuminsá ku su estudio.

E Plan pa Estudio nobo di ENNIA ta diseñá spesialmente pa mayornan, vogt, òf famia ku tin bista riba futuro i ku ke kuminsá spar pa e kostonan ku  estudio di nan yu ta trese kuné. Janice Sicking-Martina, Client Relations Manager, tabatin e honor pa entregá e Plan pa Estudio di parti di ENNIA na mayornan di bebi Heavenly, Denaliz i Ademar.: “Ta un gran honor ku nos por kontribuí ku e promé Plan pa Estudio di ENNIA na futuro di e promé beibi di aña 2016.”

Bishitá www.ennia.com pa mas informashon tokante e Plan pa Estudio di ENNIA.