‘Cisco Gold Certification’ pa henter Caribe! Ademas ta keda sertifiká pa proveé maneho riba servisionan ‘cloud’ di Cisco

WILLEMSTAD, Kòrsou- yanüari – 2016: Digicel Business a anunsiá resientemente ku nan a mantené nan sertifikashon Cisco pa henter Caribe. E ‘Cisco^® Gold Certification’ ta bin pareu ku un sertifikashon pa proveé maneho riba servisionan ‘cloud’ di Cisco (Master Cloud Managed Services Provider ) pa Caribe- esaki mesora ta pone Digicel riba e nivel di mas haltu entre partnernan di Cisco. “Nos ta orguyoso di a mantené nos sertifikashon, esaki ta hasi Digicel e kompania di telekomunikashon mas sertifiká den Caribe i ta papia mesora di e kredibilidat i kapasidat di nos ekipo di trabou ku ta konsistí di aproksimadamente 140 eksperto di ICT altamente kualifiká,” esaki di akuerdo ku Martin Carroll, COO di Digicel Business. “Ku nos ta mantené nos sertifikashon ‘Oro’ ta hopi importante pa nos i pa nos klientenan. Entregá un servisio di kalidat haltu, inovativo i konfiabel ku por yuda nos klientenan dirigí nan empresa den forma efisiente i oumentá nan produktividat ta gran parti di nos focus na Digicel. Sinembargo, e otro aspekto mesun importante pa nos ta di por ofresé un sistema di apoyo na e nivel di mas haltu- klase mundial i esei ta eksaktamente loke nos por usando e práktikanan di Cisco”.

Pa optené un ‘Gold Certication’, Digicel Business a sá di kumpli un biaha mas ku tur rekisito den nan operashonnan, den henter Caribe. E standartenan rigoroso pone dor di Cisco pa risibí un sertifikashon di Oro ta e.o kapasidat den ret, ekselente servisio, sosten i satisfakshon di kliente. Komo un ‘Cisco Gold Certified Partner’ ta rekerí pa kumpli ku tur stándart di ekspertisio, aki ta inkluí arkitektura den seguridat, kolaborashon, Data Center i proveedor di servisio. Ademas di esei, Digicel Business a integrá un Cisco Hybrid IT den nan ofertanan pa kliente na momentu di ofresé servisionan di ‘cloud’- esaki pa siguí garantisá satisfakshon di tur kliente.

Mientrastantu, e sertifikashon pa proveé maneho riba servisionan ‘cloud’ di Cisco  (Master Cloud Managed Services Provider ) ta keda añadí na Digicel su lista amplio di mas ku 640 akreditashon- hasiendo nan un partner sólido ku un kompromiso serio pa oumentá efisiensia di nan klientenan. “Mas i mas ta e kompanianan ku ta mira e benefisio di laga un kompania manehá nan ICT i einan ta na unda ku Digicel ta presentá su mes komo un partner sólido. Ofresiendo un maneho kompleto i di primera kalidat dunando e empresario amplio oportunidat di enfoká riba kresementu di su empresa”, asina Carroll a sigui bisa.

E rekonosementu komo ‘Cloud Master Service Provider’ ta suprayá Digicel su invershon i kompromiso pa proveé servisio i maneho ‘cloud’ riba e nivel di mas haltu. E meta komun ta pa yuda empresanan i organisashonnan saka e máksimo di nan ‘tempu’.  Tur e sertifikashonnan ku Digicel a risibí di Cisco ta garantisá un laso di koperashon i sosten kontinuo- esaki na benefisio di e kliente.