WILLEMSTAD – Manera ya ta un tradishon LITO, E Amiguitu Spardó di Bo Banko Amigu a bai personalmente serka famia Neuman serka tata, Adhemar Neuman i mama, Denaliz Adriana, pa saludá prinsesa Heavenly Neuman ku ta e promé beibi di aña 2016.

Heavenly ta spesial pasó e ta promé beibi di aña, pero tambe pasó ela nase den 2016 ku ta marka e aña ku Maduro & Curiel’s Bank ta kumpli 100 aña. LITO a hasi entrega di un LITO giftcheque i un sparpòt di LITO na Heavenly pa e por kuminsá spar for di awor te ora e bira grandi. E montante akumulá Heavenly por aloká pa entre otro su estudio den futuro. Ta importante pa mayornan ta konsiente pa spar for di trempan pa nan yu asina nan por tin un futuro finansiero sólido. E orguyoso mayornan di Heavenly tambe a risibí un Kompa Leon giftcard ku nan por kumpra algu pa nan mes òf pa Heavenly. LITO ta sumamente kontentu ku su amiguita nobo i a felisitá e mayornan ku nan prinsesa.