InselAir ta lamentá ku problemanan operashonal ku a kousa retraso

Willemstad – Curacao. Resientemente InselAir a wordu konfronta ku un sekwensia inusual di problemanan tekniko di motor, kual tabata tin un impakto enorme riba parti di e operashonnan diario. E aerolínea ta kumpli debidamente ku trabounan di mantenshon regular i insidental di acuerdo ku e rekerimentunan di seguridat haltu di e sektor. Mantenshon di motor no ta wordu hasi dor di InselAir mes sino door di un distribuidor aprobá pa FAA (Federal Aviation Administration).

Auditoría
Un di e observashonnan den e investigashon ta ku e loke a sosodé den e ultimo simanan  ta relashona ku e gearboxnan den interior di e motor. Reparashonnan, espesialmente e trabounan riba e gearboxnan, ta kompletamente outsourced (nan ta keda hasi explisítamente) pa un di e suministradonan di motor licencia aprobá pa FAA ku InselAir ta traha kune. Esaki ta algu hopi komun den e indústria di aviashon pa motibu di e spesialisashon ku tin mester pa e trabou aki. InselAir su team di mantenshon no ta permiti pa hasi trabounan di mantenimentu na na e gearboxnan. InselAir a sigi kabalmente i a ehekuta perfektamente tur e prosesonan rekerï I tambe e proseduranan ku ta bou di responsabilidat di Inselair, los for di e echo ku InselÄir ta depende pa un parti importante di su suministradonan. CCAA (Curacao Civil Aviation Authority) i FAA tambe ta hasi audit serka distribuidornan. InselAir a tuma pasonan inmediato hasiendo checknan extra I monitoriando muchu mas e motornan pero espesialmente e gearboxnan.

Siguridat
“E industria di aviashon ta e industria di más regulá I sigur den mundu anto siendo un kompania sertifiká door di IOSA, esaki kier men ku InselAir ta kumpli ku e estandartnan di siguridat mas haltu ku tin ta eksisti den e industria aki.  Si e tipo di akontesimentunan aki, ku kada aerolina por pasa aden durante añanan, sosode den un periodo kortiku di tempu, ta komprendibel ku esaki ta kousa prekupashon serka nos pasaheronan. Sin embargo ningun di nos pasaheronan ni nos tripulantenan na ningun momento tabata den peliger”, segun Edward Heerenveen, Chief General and International Affairs di InselAir. “Nos ta lamenta ku algún nos pasaheronan a keda desapuntá den e siman tras di lomba”, asina sr Heerenveen ta sigi bisa. A pesar di di e retrasonan tur pasahero a keda transportá pa nan respektivo destinashonan durante e periodo aki.

Informashon di vuelo
Riba InselAir su wepsait klientenan di InselAir a keda informá kontinuamente (real time) riba e status di nan vuelo. E wepsait di InselAir ta fasilmente aksesibel for di kualkier aparato, inkluyendo telefón selular i tablet. Na e momento aki tur e problemanan tekniko ta resolve i InselAir ta bulando según e skedjel normal atrobe.