WILLEMSTAD – Djasabra awor dia 19 di desember lo tin e di dos “gimmick” pa loke ta trata benta di karchi di Festival di Tumba 2016. Dos siman pasa djasabra e prome “gimmick” a tuma luga ku un eksito grandi i mirando e petishon enorme ku tin dene kaso aki, direktiva di AMAK a disidi pa tene su di dos “gimmick” e djasabra aki. Lo tin un kantidat spesial di Karchi di Entrada General disponibel na rason di Naf. 65,– Tambe lo tin un kantidat limitá di karchi di Red Carpet disponibel na rason di Naf. 300,– E benta di e karchinan aki lo tuma lugá na lokèt na Curacao Festival Center kuminsando for di 1 or pa 5 or di atardi. Pues korda yega pa buska bo karchi na preis spesial djasabra awor, pasombra Festival di Tumba 2016 lo ta kayente!