Den estrecho koperashon ku Discovery Kids,

TDS a primintí di sigui parti regalo pa pueblo di Kòrsou, i un biaha mas TDS ta kumpli ku su promesa. Henter aña TDS a kumpli ku tur miembro di famia ku ta disfrutá di TDS, i awor a toka turno na e grupo mas chikitu den kas. Si e wikènt aki ta turno di e baby i muchanan mas chikí pa selebrá ku TDS. E kanal di TDS, Discovery Kids huntu ku TDS a logra despues di hopi esfuerso pa trese e maskota di e kanal aki pa promé biaha Kòrsou. DOKI a yega Kòrsou i lo tei presente pa pueblo kompleto bin sera konosí kuné i saka potrèt henter e wikènt aki den SAMBIL. Pa es nan ku no konosé historia di DOKI, esaki ta e kachó ku ta wòrdu usa komo e ikono di Discovery Kids, kanal 360 riba TDS. Doki ta un kachó kurioso ku ta stima aventura i asina hasi di situashonnan straño un problema fásil pa resolv’é pe. Doki semper ta habri pa sugerensia i tepnan di su amigunan.

E ta siña di su foutnan I apliká su konosementu ku e ta haña di tur su aventuranan pa resolvé kualke situashon.DOKI ta asina famoso ku e tin su propio página di Internet ku diferente wega ariba pa entreten’é su fanatikada. Riba e página http://www.tudiscoverykids.com/doki/ bo por mira tur su weganan ku e tin. Na Kòrsou su serie ta un di esnan mas gusta i ta pa e motibu aki TDS a sinti ku DOKI mester ta parti di su selebrashon. DOKI ya a yega Kòrsou, i lo bai hasi bishitanan sorprendente na skolnan básiko di Kòrsou te kaminda ku e por. Mirando ku DOKI no por alkansá tur skol, e lo hasi akto di presensia na SAMBIL riba djabièrnè, djasabra i djadumingu awor 18-19 i 20 di desèmber, asina brinda TUR mucha di Kòrsou e oportunidat di bin sera konosí kuné i alabes saka un portrèt kuné.

E orarionan ku DOKI ta bai tei ta: di 4 pa 9PM riba djabièrnè i djasabra, i djadumingu di 4 pa 7PM. Mami ku Papi, kòrda trese boso yunan, subrino i subrinanan i tambe ihánan  pa bin konos’é DOKI. TDS kier a yama un danki grandi na Discovery Kids ku a hasi tur su posibel pa DOKI por a yega Kòrsou. Pueblo di Kòrsou, boso bin sera konosí ku DOKI, paso TDS ta hasié p’abo! Un biaha mas TDS ta demostrá ku e ta entreten’é hinter famia. Di antemano TDS kier a gradisí tur su klientenan i futuro klientenan i alabes kier a deseá Kòrsou kompleto un dushi dia di YAMA DANKI. Ku e ta i lo keda ESUN di NOS!