Anteriormente Fatum Loop

Guardian Group Djadomingo dia 27 di oktober lo jama Bon Biní na mas o menos shete mil hende ku lo start anto sea kana of kore 10 kilometer, den e di trinta edishon di e evento deportivo akí. E organisashon ta den man di Guardian Group i tradishonalmente Road Runners Club Korsou.“..Originalmente e idea tabata pa krea, organisá i patronisá un evento kaminda un i tur por partisipá den e evento p’asina nos kompania kontribuí na un komunidat ku siudadano den moveshon, pues un komunidat ku suidadanonan bon di salu. Anto awor ata nos ta selebra trinta aña di e inisiativa di mi predesesor señor Coen Hilgersom..” Asina dr. Steven Martina, CEO Guardian Group a kompartí. E nomber nobo Guardian Group ku nos a lansa na kuminsamentu di Ougùstùs a trese ku ne ku mester a hasi kambio den tur sentido pa tur loke ta trata lokual ta visible na nos marka, nos asina jamá ‘brand’. Ja pa basta tempu tabatin preparashonan pa hasi e re-branding, kual ta algu riba nivel di propietario di Fatum kendenan ta Guardian Group na Trinidad. Esei, e re-branding, a wordu disidí organisá i implementá. A skohe pa tur kompania ku ta propiedat di Guardian Group bai wordu jama igual p’asina tantu regional komo lew internashonal nos Sali afó komo Guardian Group. Hopi kompania, hopi hende, hopi produkto pero ún nomber: Guardian Group. Asina e nomber Fatum Loop tambe a jega na turno pa wordu kambiá i a bin haña i lo keda karga e nomber nobo: MY GUARDIAN GROUP WALK & RUN. E nomber aki ta duna bon kla ta ken ta motor grandi tras di e evento pa un i tur’akí, anto alabes e ta duna apertura pa tur hende ku tin interés pa hasi deporte den un evento agradabel kual ta safe, grandi, i kual koreo na tempu. My Guardian Group Walk & Run ta wordu organisá den kolaborashon ku e tim dinámiko di Road Runnners Club Korsou ‘RRCK’, Kuerpo Polisial, Curaçao Road Services, Rode Kruis, Padvindersgroep, anto ta wordu kargá dor di un kantidat di co-sponsornan ku tambe ta duna nan maksimo koperashon: Amstel, Coca Cola, Powerade, Claro Water, Lovers, Curaçao Beach Resort, Curaçao Seaquarium, Wet ‘n Wild, Changes Pro Sport i New Balance kendenan a soru i hasi posibel pa e aña akí partisipantenan lo kana den un asina jama branded shirt di e brand New Balance anto di e tela ‘Dry-fit”, algu uniko pa eventonan na Korsou,  asina Guardian Group i Changes Pro Sport ta lagasa. Pues un kantidat di hendenan, organisashonan I kompanianan ku tur ta duna un man pa tene Korsou den moveshon na un manera agradabel. Por inskribí i partisipá na un manera efisiente. E rekomendashon ta pa inskribí online via di www.myguardiangroup.cw, pero ta importante pa bai kantor di Guardian Group na Cas Coraweg pa hasi e pago i tuma e T-shirt mas lihé ku ta posibel. Inskribí online sin bai paga i tuma T-shirt kiermen ku lo konsiderá ku e partisipashon no ta sigui pues lo sigui ku inskribi otro nan ku si ta pasa regla tur kos. Pues e inskripshon ta juda pa perde menos tempu pará den rij, pero inskribi online no ta un garantia ku por partisipá. Dianan pa pasa inskribí, paga i tuma T-shirt ta di 21 di oktober te ku dia 25 di oktober, orarionan ta 16:30-21:00. Tur aña tin hende ku a inskribí online pero a laga pa ultimo ora nan pasa paga i buska T-shirt anto a bin resultá ku nan a jega lat. Un biaha mas, si bo kier ta’den, pasa trempan!