E hóbennan di Junior All Star a bolbe saka kara di Kòrsou, ku dos tremendo presentashon na Aruba den e wikènt di 4 pa 6 di desèmber. Jnnior All Star a biaha pa Aruba wikènt pasa, kaminda e hóbennan aki a bolbe demostrá, ku nan nivel musikal a desaroyá enormente, i durante kada presentashon nan ta demostrá ku nan ta vansa. Djabièrnè anochi, 4 di desèmber, Jnnior All Star a toka 3 set den e espasio entre Let’s Chill Cafe i Roadside cafe na Playa ,Aruba. Un bon públiko a asistí, bailando, gosando i aploudiendo e hóbennan di Jnnior All Star.

E repertorio, ku diferente tema di Pasku interkambiá ku e hitnan resien graba, manera, Ban bek na nos rais, Awa, Pa nos baile i Tròt den  bòm a zona hopi bon, i pone ku tur hende tabata subi pista di baile. Tabatin fanátiko ku a kue mikrofon pa elogiá e hóbennan. Irving Jano tambe a bai komo guesstar i a presentá di un forma tremendo manera semper ko9mpanja pa e hóbennan. Djasabra 5 di desèmber Jnnior All Star a toka un set ku e orkesta Buleria  Na Market Place di Renaissance hotèl, i aki tambe e públiko a aploudí nos hóbennan,  nan tabata pidi mas di Jnnior All Star.

Despues di presentashon di Junior All Star diferente hende a bandoná  e sitio, i  tabata pidi mas di Jnnior All Star. E músikonan di Buleria a keda impreshoná, i a pidi Tim di Maneho di IpFM, pa tantu e kongero Darvino Hallman, i e drùmer Tarique Sambo, dal un set ku nan. Buleria a pidi públiko un aplouso pa e forma ku e hóbennan aki a djòin nan i toka. Instituto pa Formashon musikal por mira bek, riba un gira eksitoso atrobe, i ta gradisí Insel Air, pa  aportá en grandi ku Jnnior All Star Orchestra.

Un danki tambe pa Jersey Isenia ku a regla e presentashon di djabièrnè 4 di desèmber.