Gran final dia 19 di Desèmber ku entretenimentu di Dj Lu-C i AxL & Friends

WILLEMSTAD – Poko poko pero sigur ta yegando e dia pa klousura di e gran kampaña ‘Shop & Grab’. Kurasonnan ta bati duru pa mira ta ken ta esnan ku lo drenta e ‘cash cube’ ku ta kontené un total di Naf. 30.000 kèsh! Sinku ganador lo drenta e ‘cash cube’. Antisipando e gran final dia 19 di desèmber; ta rekordá un i tur ku Renaissance Mall i Rif Fort tin su shopping night dia 17 di desèmber próksimo na unda ku tur establesimentu lo ta habrí te ku 9’or dia nochi i lo tin entretenimentu di koro di mucha A la Belcanto. Papa Pasku tambe lo tei!

Gara mas tantu sèn posibel:

Renaissance Mall i Rif Fort su kampaña di fin di aña ‘Shop & Grab’ ta resultando den un gran éksito. Tur ku hasi un kompra di 25 florin òf mas na Renaissance Mall i Rif Fort lo risibí un kupòn pa partisipá den e kampaña ‘Shop & Grab’. Na momentu ku un persona yena e kupòn i deposit’é den e buzon pa gana un chèns di drenta e ‘cash cube’ (un kúbiko di glas ku ta wòrdu yená ku aire i plaka kèsh). E idea ta pa e hende gara mas tantu sèn posibel miéntras e airu fuerte ta supla e plaka den e kúbiko. Esaki mester tuma lugá den e kantidat di tempu ku e persona a gana, por ehèmpel 10 sekònde, 15 sekonde,  20 sekònde, 25 sekònde òf 30 sekònde. E kúbiko di  plaka kèsh lo kontené un total di Naf. 30.000 kèsh i lo saka 5 ganador pa drenta e ‘cash cube’. Mas bo kumpra, mas kupòn bo ta risibí i mas chèns pa drenta e ‘cash cube’.  E kampaña lo ta vigente te ku 18 di desèmber, final lo ta dia 19 di desèmber i tur ganador lo drenta e ‘cash cube’. E klousura di e kampaña lo bai kompañá ku entretenimentu di Dj Lu-C i AXL and Friends. Tur partisipante lo mester tei pa nan por gana. *Si bo kupòn wòrdu saká for di e tómbola i bo no ta presente lo bo pèrdè e oportunidat di drenta e ‘cash cube’.