Celebra dushi bida na McDonald’s

ORANJESTAD, Aruba – December 2015: McDonald’s Aruba ta den ambiente di fin di aña cu nan dessertnan nobo pa Dianan di Fiesta. McDonald’s a anuncia cu nan a lansa tres opcion di dessert nobo, un treat pa clientenan cu gana den algo dushi. E McFlurry Lotus Original Speculoos ta un combinacion “crunchi”, un delicia zoet traha cu ijscream di vanila soft, saus di caramel y e cuki original “Lotus Speculoos”, un buscuchi di spekulaas cu caramel di e marca “Biscoff Cookies”, cu ta hopi conoci na Europa. E dessert special aki ta un faborito di clientenan na Europa y awo tambe ta wordo bendi, pa un tempo limita, na restaurantnan di McDonald’s na Aruba y e Dessert Center na Paseo Herencia Mall.

“Amantenan di McFlurry ta hopi contento cu McDonald’s a lansa e sabor Original Speculoos Lotus, banda di e McFlurry M&Ms y Oreo. Bo por hay’e awor na tur bo restaurantnan di McDonald’s aki na Aruba”, asina Sulina Vrolijk, Supervisor di operacionnan di Arcos Dorados Aruba a duna di conoce. McDonald’s tambe ta introduciendo “Very Parfait” cu ijscream di vanila y dos topping; clientenan por scoge entre e sausnan di strawberry, chuculati of caramel, y ta haya slagroom como e di dos topping. Fannan di “sundae cone”, esta e “ice cream cone” – e soft ijscream di vanila den su cone, por disfruta awo di e “Filled Up Cones”. Esaki ta un “cone” cu ta bin yena cu saus di sea chuculati, caramel of strawberry y riba dje ta bin e ijscream.

“Continuamente McDonald’s ta busca formanan nobo pa satisface e gana di clientenan pa purba algo nobo. Nos ta enfoca riba ofrece un bon variedad, semper purbando di haya maneranan pa responde na loke e cliente kier” di acuerdo cu Sulina Vrolijk. Otro dessertnan popular di McDonald’s ta inclui Cones y Sundae di Chuculati, Sundae di Strawberry, Sundae di Caramel, McFlurry Oreo, y McFlurry M&Ms. Pa pubra tur e dessertnan nobo dushi di McDonald’s, bishita bo McDonald’s faborito na Aruba. Pa mas informacion bishita e website www.mcdonaldsdwi.com, of “Like” e pagina di McDonald’s Curaçao & Aruba riba Facebook y sigui nan riba Twitter @McDonalds CA.