Palabranan na klousura di e proyekto piloto di Fundashon Alton Paas

Willemstad, – Fundashon Alton Paas ta gradesido na e logronan konsistente pa por yega na su vishon kaminda un persona ku dwarslaesie por ta fisikamente aktivo den un programa spesialisá despues di rehabilitashon.

For di final di aña 2014 Fundashon Alton Paas a sali den komunidat informando di e kampaña #Superando huntu ku Levi Silvanie i tambe un otro parti di esei tabata e proyekto piloto di 6 luna ku 6 persona ku Dwarslaesie lo a partisipá na un programa intensivo inkluyendo Brucker Biofeedback Method, Activety-based program i tambe mental training. Awe nos por selebrá ku e 6 lunanan a pasa i nos pioneronan: Rudel Molina, Frensel Avastia, Frank Reyez Perez, Alton Paas, Glennon Hynnes  i Maureen Verginie ta esnan ku a partisipá na e proyekto i ku tambe a duna resultadonan impaktante. For di mas stabilidat, mas forsa den brasa, mas kondishon pa funshoná, mas independiente i mas animo pa sigí pa dilanti ta algun di reakshonnan di e partisipante i terapistanan.  Ku hopi esfuerso i sosten kosnan grandi ta sosodiendo tur dia.

Aworaki lo start e fase di evaluashon. E final ta solamente un komienso disfrasá pasobra apesar ku e proyekto piloto a kaba, kos lo sigui. Awor nos ta bai den un espasio mas amplio kaminda  partisipantenan i mas persona por logra haña terapia pa mantené i/o drecha nan kalidat di bida.

Teniendo na kuenta e nesesidatnan di e persona ku Dwarslaesie Fundashon Alton Paas den 2016 lo ta den gran forma trahando pa por kumpli ku e derechi i deber pa ku e personanan ku dwarslaesie pesei nos ta habri aña ku nos fundraising di tur aña ‘The Annual Fitness Challenge’ riba 16 di yanuari 2016 na International School na Emmastad kuminsando 6or di mainta pa 12or di merdia. Karchinan ya kaba ta obtenibel na Mensing Caminada i tur Samsom Boekhandel. Keda pendiente pasobra mas promoshon di nos fundraising pa dia 16 di yanuari ta saliendo ku bo tambe por sostené e desaroyo pa persona nan ku dwarslaesie.