Atrobe a keda demostra durante e Bario Event di Digicel na San Nicolas

ORANJESTAD, Aruba – D

ecember 2015: Hopi tempo por pasa, ta bini articulonan nobo, mas moderno, pero celular ta keda e regalo preferi durante luna di december. Pa algun aña caba Digicel ta nota un interes hopi mas grandi cu normal pa cumpra modelonan nobo ta pa regalo di Sinterklaas, como tambe pa Santa Claus bao kerstboom.

Digicel a prepara ofertanan special pa diferente modelo di smartphone, esta Alcatel Pixie 3 cu a bay pa solamente Afl. 59,99; e Samsung Ace 4 pa apenas Afl. 99,99 y DL 910 a bay pa Afl. 109,99; mas di 88% di e inventario special pa e evento aki a wordo bendi. Ademas di un super prijs riba e modelonan aki, Digicel a regala clientenan cu a cumpra un di e smartphonenan aki un luna di Data GRATIS pa nan por comunica cu nan sernan keri durante di e temporada special di fin di aña.

Cu yen di otro premio mas, Digicel a trata su clientenan di pariba di brug extra bon diadomingo. Filanan largo a forma for di tempran pa probecha di e prijsnan reduci ta demostra cu celular ta sigui ta e regalo mas gusta, sea ta pa hobennan, adultonan of nos grandinan. Tur hende kier comunica mas y cu Digicel esey ta mas facil, mas lihe y na un miho prijs.

E prome 50 clientenan a ricibi un “treat” super special di Digicel pa medio di un invitacion pa participa den e “vault” cu un chens pa gana premionan manera bonnan di gasolin, carchinan pa “top up” y, hasta, telefonnan celular.

E evento cu tabata programa pa caba 3or di atardi a sigui te cu 5’or. E ultimo clientenan a keda hopi contento cu nan escogencia di telefonnan Alcatel Pixi 3.

Gerencia y personal di Digicel a goza hunto cu comunidad di San Nicolas, atendiendo tur cliente cu sumo placer tanten cu e muchanan por a goza di core rond, hunga, bula den e dino jump y laga pinta nan cara cu diseñonan masha leuk. DJ Mige y Gaita Paranda ta Nos a entretene publico presente y Mega Burger a provee dushi cuminda. Digicel a pone un dushi ambiente cu tur esunnan presente por a disfruta di dje na e Bario Event hopi ameno.

Digicel ta gradici comunidad di Aruba pa scoge Digicel un biaha mas y ta gradici tur cliente cu a bishita e Bario Event di San Nicolas pa nan sosten, pasenshi y actitud positivo.