Digicel ta felisitá organisashon di CBW

WILLEMSTAD: Tabata djabièrnè anochi ku a klousurá Curaçao Baseball Week (CBW) ku e.o un tremendo  All Star Game, Meet and Greet, Homerun Derby, show di vürwèrk i finalmente un konsierto. Digicel a invitá atletanan di Special Olympics Curaçao pa nan tambe gosa di e klousura di Curaçao Baseball Week ku a tuma lugar djabièrnè último. Ademas di esaki Digicel a hasi un ‘CBW Quiz’ entre su empleadonan i tur por a gana karchi VIP pa disfrutá di e wega final. Di akuerdo ku Shayenne Rock, marketing manager di Digicel, “Curaçao Baseball Week a bira un ‘hype’ serka nos na Digicel, nos koleganan tabata hopi entusiasmá pa e All Star Game, Meet and Greet i Homerun Derby.”

Digicel ta kontentu di por a forma parti di CBW, “Beisbòl ta un deporte hopi importante pa nos hóbennan. Kòrsou ta pais di orígen di vários pelotero den liga grandi, hóbennan di Kòrsou tin un potensial enorme pa un futuro den beisbòl”, asina Shayenne Rock a kontinuá. Digicel ta felisitá e organisashon di Curaçao Baseball Week pa un tremendo siman deportivo i un evento di klousura ku a resultá den un homerun ku base yen! Masha pabien!