ORANJESTAD, Aruba – 4 di december 2015: Den luna di November tabata reina un ambiente special den tur restaurant di McDonald’s na Aruba. Pa 4 aña consecutivo ta celebra McHappy Day na Aruba, un dia dedica na solidaridad cu e obhetivo pa recauda fondo pa medio di bentanan di Big Mac pa contribui cu Fundacion Autismo Aruba. Na Aruba a bende mas di 420 Big Mac.

Durante henter dia, dia 13 di November, por a bishita tur 3 restaurant di McDonald’s y haci bo donacion na balor di solamente AFL. 5,90 pa un Big Mac y tambe por a cumpra un man pa solamente Afl. 1,=. A bende 4995 man, cu na tur a yega na un bunita donacion di Afl. 7,045,= pa Fundacion Autismo Aruba, cu na su turno a gradici McDonald’s pa nan aporte cu ya pa cuater aña consecutivo a recauda $ 38,760.75 cu Mc Happy Day.

Sulina Vrolijk, Operation Manager di McDonald’s Aruba ta gradici comunidad pa nan aporte grandi cu e McHappy Day a logra y cu e union fantastico di Aruba un biaha mas pa un proyecto asina grandi.

E comision tambe ta yama danki na miembro nan di prensa cu a aporta na e dia aki. Y na e caranan conoci manera ta Dwight Leoneta, Patrick Werleman, Quinsey y Wensley Connor, cu a responde di inmediato na e yamada pa coopera y yuda haci e dia importante aki un dia grandi.

Pero e gradicimento di mas grandi sigur ta bay na e muchanan cu a traha boluntariamente pa bende e mannan riba caya cu un solo meta, e di trece mas tanto fondo p yuda muchanan di Autismo

Fundacion Autismo Aruba ta brinda un luga y servicionan basico pa asina muchanan cu ta ricibiendo tratamento medico pa un enfermedad complica por keda cu nan famia cerca di e hospitalnan unda nan ta wordo atendi.

Arcos Dorados ta e frankisia di mas grandi di McDonald’s den termino di benta mundial y cantidad di restaurantnan, operando como e restaurant di mas grandi den servicio rapido “quick Service” (“QSR”) den e cadena di Latino America y Caribe. E tin exclusividad pa dirigi y maneha e frankisia di restaurantnan McDonald’s den 20 teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.

E compania ta opera of tin frankisia di 2,121 restaurant McDonald’s cu mas di 95,000 empleado sirbiendo mas cu 4 miyon cliente tur dia. Reconoci como un di e miho companianan pa traha cu n’e den Latino America, Arcos Dorados ta riba bolsa di New York Stock Exchange (NYSE: ARCO). Pa conoce bo e compania miho, bishita e seccion di inversion of subi e website: www.arcosdorados.com/ir