E temporada mas dushi di aña ta yegando un biaha mas, i ta E temporada kaminda pueblo ta uni su mes pa e mesun kousa ku ta gosa i pasa dushi.

Tumba 2016 lo bira grandi, Tumba 2016 lo marka historia, paso Tumba 2016 un biaha mas ta via di TDS so bo por mir’e.

Manera ta kustumber pa mas ku 10 aña kaba, Festival di Tumba su anochinan preliminar i tambe anochi final bo por gosa di dje sin propaganda únikamente via di TDS.

E aña aki no ta un eksepshon. For di 2 di desèmber te ku 3 di yanüari 2016 tur kliente ku ta deseá di mira e 4 anochinan di Festival di Tumba ku ripitishon te ku fin di Febrüari 2016 por pidi nan pakete di Early Bird na TDS.

E pakete aki ta kosta ANG115.00 òf US$64.50 i por pidié 4 manera:

1. Tur UTS Store na Kòrsou i Boneiru
2. TDS Store na Vinik Plasa
3. Yamando 9242
4. Mandando un SMS na 8585 for di bo telefòn CHIPPIE menshonando
   1. Number di kuenta di TDS
   2. Nòmber i Fam ku ta pertenesé na e kuenta

• E palabra “TUMBA”

Ya kaba TDS a pone e kanal di TUMBA 2016, kanal 81, disponibel pa tur kliente. Pues abo ku gusta bo Tumbanan, bo por gosa 24 ora pa dia dia kanal 81 i kalentá pa dianan 18-19-20 i 22 di yanüari próksimo.

Entre tur kliente ku hasi uso di e preis di Early Bird aki, TDS lo bai rifa 4 karchi general i 2 karchi Red Carpet pa Festival di Tumba 2016. Kòrda tambe ku despues ku e anochi di Tumba terminá, mesora e ripitishon di e anochi ta kuminsá te ku 7:00pm di e dia siguiente. Anto riba djaweps for di 8:00pm bo por kuminsá disfrutá di e Tumbanan ku a klasifiká pa e anochi Final.

Tambe for di kuminsamentu di aña, lo bai tin programanan spesial riba kanal 81, ku solamente por wòrdu mira pa esnan ku a solisitá e Festival di Tumba Early Bird.

No pèrdè e chèns úniko aki, na un preis redusí, pasombra despues di dia 3 di yanüari TUR preis lo kambia. Si ainda bo no tin TDS, wèl E ORA A YEGA pasó tambe forma parti di e famia grandi di TDS, 30 aña kaba, ESUN DI NOS!