E show di talento pa hubentut a bolbe demostrá derecho di eksistensia

Willemstad, Djasabra último a tuma lugar e gran final di Luna Yen. For di 11 partisipante 6 a logra pasa pa e gran final di Luna Yen. E partisipantenan a duna lo máksimo durante di e gran final di Luna Yen, e show di talento pa hubentut.

Ganador apsoluto di Luna Yen a resultá Jean Phael Clerford (kanto), promé finalista Nohely van de Werp i Eimert Elizabeth (baile), sigui pa na di dos lugar Rulison Specht (kanto), terser lugar Raymick Martha ( baile), kuarto lugar Diandra Angelica (kanto) i finalmente na di sinku lugar Gurtson Hooi ( aktuashon).

E anochi tabata espektakular! E show a habri ku introdukshon di La Tentashon Performing Arts Academy i algun di e semi finalistanan di Luna Yen i ‘The Nameless’ un grupo di tres mucha hòmber. Den e introdukshon e públiko por a sera konosí ku e kompetidónan. Despues di esei e públiko a sera konosí ku e huradonan ku tabatin tarea difísil pa husga kada partisipante. Pa sera e anochi, Zaerick Martha ganadó di Luna Yen 2014 tambe a presentá e poesia ku e la gana kuné aña pasá i a konta su eksperiensia na Hulanda komo e ganadó di Luna Yen.  Entre invitadonan spesial a figurá, e promé finalistanan di Gang di Arte  Aruba, Next Level di Popcorn Dancers.

Masha pabien na e hóbennan talentoso; partisipando ya kaba bo ta un ganador! Un danki na tur e spònsernan ku a hasi e proyekto aki posibel, Banco di Caribe, Refineria Isla, Gobièrnu di Kòrsou, Teatro Luna Blou i La Tentashon. Pa mas informashon tokante Luna Yen www.lunablou.com òf nos facebook page: Teatro Luna Blou. Tambe por yama Teatro Luna Blou na 462-2209.