… Gobernador Interino, Sra. Mr. Adèle Van der Pluijm-Vrede a hasi apertura di e terasa nobo…

WILLEMSTAD/ OKT – Tabata ayer’anochi ku Gobernador Interino di Kòrsou, Sra. Mr. Adèle Van der Pluijm-Vrede a hasi apertura di e terasa nobo di restorant El Mexicano, situa na Curaçao Beach Boulevard, Sea Aquarium Beach. Huntu ku miembronan di prensa, invitadonan i klientenan di El Mexicano a hasi e apertura un berdadero selebrashon. Den luna di aprel último e restorant a habri su portanan i rápidamente a bira masha popular, sirbiendo mas di 10,000 kliente den e promé kuater lunanan di operashon. Pero toch, ta awó numa ku apertura di e terasa a finalisá e proyekto. Ademas di esaki a instalá un èrko nobo nobo ku lo pèrkurá pa fria parti paden di e restorant, tambe a siguí sugerensia di klientenan pa drecha algun detaye i asina hasi e El Mexicano, e restorant ku nan komo kliente ke sigui disfrutá. Pa selebrá ku nan ta 100% kla ku e proyekto nan tin un promoshon pa e terasa nobo nobo: 10 tapas pa 2 persona, un bòter di biña pa únikamente NAf 99,99. For di su promé dia, ‘El Mexicano’ a sá di gara kurason di klientenan e.o dor di su konsepto na unda ku ta uza ingredientenan i produktonan fresku. Na ‘El Mexicano’ e shèf ta hasi uzo di ingredientenan fresku ku ta dunabo kada biaha un ‘sabor eksplosivo’ i gana di keda bishitá e restorant. Den su promé lunanan ‘El Mexicano’ a ‘skor’ ku su menú di 30 florin, awòki e menú tey ketu bai- pero naturalmente por hasi pedido ‘à la carte’ tambe. Sea ta pa un selebrashon privá, fiesta di empleado òf selebrashon pa fin di aña benidero- El Mexicano ta ofresé tur fasilidat. Pa reservashon por yama 4611056.  Tur esnan ku ta deseá di keda risibí promoshon i ofertanan atraktivo di ‘El Mexicano’ por afiliá na nan página di Facebook www.facebook.com/elmexicanocuracao