Willemstad – Djadumingu 22 di novèmber último a tuma lugá e di 15 edishon di Xtreme Duo Mountain Bike. Esaki ta é kareda di mountain bike ku tur siklista semper ta en espera di dje pa klausura nan aña deportivamente. Un biaha mas Girobank, ta mira tras riba un evento eksitoso. Girobank ta sigi ku su kompromiso ku deporte pa ku nos komunidat i ta super orguyoso di ta e spònser prinsipal di e kareda aki.

Xtreme Duo a konta ku un total di 198 partisipante di Kòrsou, Aruba, Boneiru i Sürnam. Tin algun aña kaba ku e ruta kòrtiku a keda introdusí. Esaki ta nifiká ku tin 2 ruta ku e partisipante por skohe for di dje. E ruta kòrtiku ta kubri un distansia di 50km i e famoso ruta largu ta kubri un distansia di 80km. E ruta ‘fun’ di 50km a keda kreá speshalmente pa esnan ku kier eksperensia un kompetensia di e kaliber aki ku ta mas fásil i kòrtiku.

Tur dos ruta a kuminsá i kaba na Blue Bay Curaçao. E reto tabata grandi un biaha mas pa kada partisipante. Tabata un plaser pa mira kon parehanan den e kompetensia ta sostené i guia otro pa yega e meta final huntu.

Vista Bike, organisadó di e evento i Girobank komo patrosinadó prinsipal, ta ekstendé un palabra di gratitut na tur ku di un òf otro forma a duna nan aporte na e evento aki pa hasié grandi i ta felisitá tur e duonan ku a kai den premio.

Pa mas informashon i potrèt di e kareda di Xtreme Duo Mountain Bike bishitá www.vista-bike.com

Girobank komprometé ku deporte!