WILLEMSTAD,- Responsabilidat i trabou diario ta pone ku e tempu disponibel pa por dediká den kushina ta birando ménos. Konsekuentemente hende ta kuminsá kome menos saludabel, lokual naturalmente tin konsekuensia pa salú di hende. Poniendo hopi énfasis riba e parti di un dieta saludabel, Ramón Yung huntu ku su subrino Clifford Yung a tuma e reto pa bin ku un restorant estilo oriental, kaminda diariamente klientenan por disfrutá di un “Wòk”. Ta trata di kuminda fresku prepará, konsistiendo di sea galiña, karni baka, karni porko, lomitu òf kabaron, kompañá ku un selekshon di bèrdura fresku, manera siboyo, promentòn, sèlder, mùshrum, maishi, snow-peas, wòrtel i tambe bròkolí, kombiná ku e sous di e kliente su gusto, kual por ta sous di hoisin, black-bean, teriyaki òf uster. Den Monchi’s Wok klientenan por sinta paden den un ambiente relahá i airekondishoná òf nan por hasi uso tambe di e teras dilanti. Monchi’s Wok ta situá na Fokkerweg 9, e edifisio riba kual tin un outo Wabi. Monchi’s Wok ta konsentrá riba kalidat di kuminda i servisio haltu, pa logra satisfakshon serka e kliente. Monchi’s Wok ta habrí di djaluna pa djasabra di 11.30 pa 22.00 i djadumingu di 16.00 pa 22.00 or Tur dia Monchi’s Wok ta ofresé un spesial pa almuerso, miéntras djabièrnè ta dia di Happy Hour for di 17.30 atardi. Monchi’s Wok ta alkansabel via numbernan di telefòn 691-8842 i tambe 517-1194. Monchi’s Wok tin su FaceBook Page kual ta www.facebook.com/Monchiswok. Un i tur ta kordialmente invitá pa hasi Monchi’s Wok un bishita i komprobá pa nan mes ku na Monchi’s Wok sigur nan tamkome saludabel i na preis na alkanse di un i tur.