Willemstad, Zaerick Martha ta presentá e di tres edishon “Speaking Freedom” djadumingu 22 novèmber 7or anochi titulá Love November den e hardin di Teatro Luna Blou.

Zaerick Martha ganadó di Luna Yen 2014 a organisá un anochi di poësia pa e por a rekouda fondo pa asina representá Kòrsou komo invitado speshal na Kunstbende Hulanda.
Mirando e eksito di e anochi aki Zaerick a disidi di sigui organisá anochi nan di poësia den koperashon ku Teatro Luna Blou.

Djadumingu 22 novèmber Zaerick lo bai tin su ultimo presentashon pa e aña aki. Huntu ku Zaerick lo bai tin algun hóben talentoso ku lo hasi e anochi aki posibel.
E anochi aki lo no bai ta solamente anochi di poësia pero tambe lo bai ta kompaña ku musika, kanto i baile.

Bin sostene nos hóben artista nan den e ultimo edishon pa e aña aki titulá “ Love November “ 7or di anochi den hardin di Teatro Luna Blou. Entrada ta solamente Fl 7,50.

Pa mas informashon por yama Teatro Luna Blou na +5999 462-2209 +5999 524-8525. Bo por chèk nos página wèp. www.lunablou.com. Tambe bo por sigui nos riba facebook: teatro luna blou i la tentashon.