Djarason 18 di novèmber 2015 Kuzeta B.V., agente distribuidor di zeta marka Shell, a lansa Shell Helix Ultra ku PurePlus Technology. Shell Helix Ultra ku PurePlus Technology ta un revolushon den zeta pa motor di outo — e ta e promé zeta pa motor di outo diseñá for di gas natural. E proseso revolushonario aki di Shell pa krea un base oil sintétiko for di gas natural yama PurePlus Technology. Produkshon di e base oil aki ta sosodé na e planta Pearl, situá na Qatar. E gas natural ta wordu transformá den un base oil líkido, praktikamente liber di e impuridatnan ku bo ta haña den zeta krudo. Shell ta e uniko kompania na mundu ku un planta asina den kual por krea base oil pa lubrikantenan for di gas natural. Kompará ku base oil derivá for di zeta krudo, base oil produsí for gas natural ku Shell Pureplus Technology tin un struktura molekular superior for di kual ta traha e produkto final kual ta Shell Helix Ultra. Shell Helix Ultra realmente ta un kombinashon di Shell su PurePlus Technology kombiná ku su Active Cleansing Technology. E inovashon aki ta unu importante. Na 2050 populashon mundial lo yega 9 biyon hende ku 2 biyon vehikulo ariba kaya. E demanda pa energia lo por ta dòbel di loke e tabata na aña 2000. Mientrastantu emishonnan di CO2 mester baha signifikantemente pa evitá efektonan serio di kalentashon global i kambio di klima. Gas natural ta un kombustibel ku ta kima mas limpi I ta pa e motibu aki Shell ta huzando mas i mas gas natural pa diferente solushonnan energetiko. E planta Pearl na Qatar por produsi alrededor di 1 miyon tòn di base oil for di gas natural pa aña. Ku e base oilnan produsi na Pearl por fabriká lubrikantenan ku e potenshal pa realisá un sparmentu di te ku 3% den konsumo di gasolin. Shell Helix Ultra ku PurePlus Technology ta marka e zeta ful sintetiko di mas avansá den Shell su historia. E ta disponé di e spesifikashonnan di mas modèrno di industria automotris i tambe di aproboshon di fabrikantenan di vehikulo inkluyendo Ferrari, Maserati, Mercedes, VW, BMW, Ford, Honda, GM, Chrysler i Hyundai. Komo ku e base oil di Shell Helix Ultra a wordu kreá for di gas natural na un nivel molekular, e ta konsiderablemente mas stabil ku base oil konvenshonal for di krudo. Esaki ta duna e produkto final algun benefisio importante den su funkshonamentu. Shell Helix Ultra ku PurePlus Technology ta brinda protekshon superior kontra desgaste i koroshon. Además e por ofresé un adelanto den sparmentu di gasolin. Por ultimo e kombinashon uniko di Shell su PurePlus Technology ku su Active Cleansing Technology ta signifika ku ningun otro zeta ta limpia bo motor mihó ku Shell Helix Ultra.