WILLEMSTAD – E aña aki ta e di 4 aña konsekutivo ku ‘ParadiseWorld’ ta keda presentá. Ta trata aki di un festival ku ta konta ku partisipashon di dj(nan) internashonal i tambe un promoshon ekstenso den eksterior pa garantisá presensia di fanatikonan di EDM di rònt mundu. Renaissance Curaçao Resort ta orguyoso di anunsiá  su kolaborashon, esaki ta hasi nan e hotèl eksklusivo di ‘ParadiseWorld’ pa di dos aña konsekutivo. 

Djabièrnè 4 di desèmber próksimo DJ Chuckie lo ta sentro di atenshon riba Kleine Werf durante e di 4 edishon di ‘ParadiseWorld’. Esaki ta un di e djnan ku no tin mester di un introdukshon, for di kuminsamentu di su karera Dj Chuckie a introdusí su zonido outéntiko ‘Dirty Dutch’ ku den tempu rekòrt a dominá merkado Europeo. Despues di e su trayekto eksitoso na Hulanda, Chuckie a muda pa Aruba na unda ku e’la kontinuá ku su presentashonnan internashonal i  tambe su trabounan pa promové EDM na Aruba i den region. Durante di añanan ‘Paradise World’ a konosé nòmbernan grandi di djnan internashonal ku a bishitá Kòrsou pa forma parti di e festival, manera; ‘Major Lazor’ ku su hit ‘Lean On’ i ‘Diplo & Skrillex’ mihó konosí komo ‘Jack ü’ ku resientemente a produsí e kansion hit ‘Where are you now?’ huntu ku Justin Bieber.  Pa mas informashon tokante ‘Paradise World’ bishita www.paradiseworldfestival.com

Renaissance Curaçao Resort & Casino ta invitá tur ku ta bai presensiá ‘ParadiseWorld’ pa hasi nan reservashon trempan  i disfrutá di un estadia tur afó, ademas di esaki ta gradisí ‘ParadiseWorld’ pa un biaha mas depositá su konfiansa den nan.

Ta bon pa menshoná ku lo tin tarifanan spesial enkonekshon ku e festival. Pa tur esnan ku ta den region i bishitantenan internashonal por hasi nan reservashon via; http://deals.marriott.com/renaissance/curacao/willemstad/paradiseworld-rencuracao.