WILLEMSTAD – Djabièrnè i djasabra benidero un biaha mas ta Red Weekend na Dasia. E promé Specialized Concept Store den Karibe e siman aki ta duna rebahonan di te 70% riba paña pa kore baiskel i asesorio i te 60% riba baiskel mes.

Bunita markanan

Dasia ta ofresé markanan manera Intense, Speedco, Sram i Shimano, i ta eksponé un surtido amplio den su tienda na Kaya Flamboyant 1A. Tin baiskelnan pa e muchanan di mas chikí, baiskel pa mucha, mountainbikes, baiskelnan BMX i baiskelnan di kareda. Banda di esakinan Dasia ta ofresé tur tipo di asesorio ku bo por imaginá bo manera hèlm, paña spesial pa kore baiskel, handskun, bidons i camelbags. “Ku markanan konosí no nesesariamente mester ta karu, bo por pasa komprob;a bo mes,”segun Barry Bakker, doño di Dasia. “Serka nos ya pa NAf. 159,- bo tin un baiskel.”

Bon servisio

E deporte di korementu di baiskel ta sigui krese na popularidat na Kòrsou. Eventonan manera Amstel Curaçao Race i parti di alseranan ku último añanan a traha spesial pa kore baiskel ta aportá na esaki. “Nos tim kompletu ta kore baiskel, pues ora nan ta papia ku abo komo kliente nan ta hasi esei ku konosementu i eksperensia. Asina nos por garantisá ku serka nos e kliente ta haña e mihó servisio posibel,” segun Barry Bakker.

Djabièrnè di 10.00-18.00 uur i djasabra di 10.00-17.00 nos ta habrí non stop na, Kaya Flamboyant 1A.