ORANJESTAD, Aruba – November 2015: Durante luna di October, Aruba Aloe a lansa su campaña anual di apoyo “Because we care, We share” dedica na Mary Joan Foundation. E organisacion a bira masha popular pa nan campañanan di conscientisacion contra cancer di pecho. Aruba Aloe a haci un donacion di $ 4.50 na Mary Joan Foundation pa cada compra di $ 75,00 haci den nan tiendanan.

Tur cu a cumpra productonan a ricibi un regalo, un Ultra-Intensive Cream, e edicion special di nan anniversario di 125 aña na balor di $ 18 pa su contribucion, como tambe un sinta ros pa prevencion di cancer di pecho pa asina mustra bo apoyo y conscientisa comunidad mas ainda.

Internacionalmente Cancer di pecho ta e forma di cancer mas comun cerca hende muhe. Ta diagnostica un di cada ocho hende muhe cu cancer di pecho durante nan bida. Desde aña 2008, casonan di cancer di pecho na mundo henter a aumenta cu mas di 20% mientras mortalidad a aumenta cu 14%. Un tercer parti di esunnan cu ta fayece pa motibo di cancer, por a evita si a detecta y ricibi tratamento na tempo. Ta bon pa bisa cu cancer di pecho ta e di dos cancer mas popular na Aruba, despues di cancer na cuero.

“Because we care, We share” tabata un bon oportunidad pa clientenan uni na e ekipo di Aruba Aloe pa enfatisa y aumenta conscientisacion riba cancer di pecho y disfruta di un regalo di e edicion special di 125 aniversario di Aruba Aloe.

Aruba Aloe a apoya e causa y a contribui na e organisacion local di cancer di pecho, Mary Joan Foundation cu un suma di Afl. 8.800,=. E organisacion sigur ta hopi contento y gradici na Aruba Aloe cu awor nan por sigui apoya tur esunnan cu ta sufri di e enfermedad, cu ta cancer di pecho. Aruba Aloe ta e unico productor di productonan di beyesa y cuido di salud na Aruba cu productonan traha 100% di aloe vera gel puro di Aruba. Durante e ultimo 125 aña, e compania a cultiva y produci aloe for di su propio plantacion situa na Hato.  Awendia, mundo henter ta disfruta di coleccionnan unico di productonan pa cabey y di cuido di cuero, incluyendo e coleccion clasico di Aruba Aloe “Island Remedy” y “Desert Bloom”.