Hospital contento cu e acogida y interes grandi pa e tema

ORANJESTAD, Aruba – November 2015: Recientemente a tuma luga un mini simposio pa cual e grupo meta tabata tur dokter, specialista y nurse cu ta prescribi antibiotica pa medio di infuus. Meta principal di e reunion tabata pa toca e tema con por mehora e uzo di apropia di antibiotica, resistencia di bacteria, antimicrobial stewardship, e acreditacion di JCI den cuadro di antibiotica y tambe e asina yama AB-checklist.

Dr. De Kort a splica cu Antiobiotic Stewardship (Co-responsabilidad pa administracion di antibiotica) ta un programa cu ta wordo implementa na diferente hospital rond mundo y ta consisti di programanan pa mehora uzo di antibiotica y reduci den transcurso di tempo e resistencia di parti di microbionan y awo na Aruba nos ta implementando esaki tambe. “Antimicrobial resistence” ta e resistencia di bacterianan pa antibioticanan comun.

E programa cu ta wordo aplica na Dr. Horacio E. Oduber Hospitaal, den colaboracion cu AMC Amsterdam, ta encera pa duna un “score” of cifra den e diferente facetanan di uzo di antibiotica pa medio di un checklist pa yuda e specialista logra cambia e antibiotica cu e ta dunando e pashent via di infuus (IV) pa antibiotica den forma di pilder.

Durante di e mini simposio, a duna informacion tocante di e resistencia di bacteria cu ta surgi den hospital, tambe a elabora tocante e uzo di antibiotica y ki instrumentonan por uza pa reduci e uzo excesivo di antibiotica. Un anochi sumamente interesante cu siguramente a trece padilanti algun punto di atencion pa asina cuminsa cu e