Djasabra 14 di novèmber, 10or am den SDK!

Despues di un eksitoso Kampionato Hubenil 2014-2015 i un pousa bon meresí, Kampionato Hubenil 2015-2016 ta bai ranka sali! E Gran Apertura di Kampionato Hubenil 2015-2016 ta bai tuma lugá djasabra 14 di novèmber 10or den SDK. E dia aki lo kuminsá ku desfile di tur e klupnan hubenil ku lo partisipá na e kampionato aki ku lo sali di e ‘parkeerplaats’ di e skol Emanuel (banda di SDK) i lo kana bai SDK. Pa 10or am nos lo tin e parti ofisial kaminda algun persona lo hiba palabra, pa seguidamente sigui ku e parti di protokòl i bendishon di e kampionato. 11or am bala lo kuminsá lora kaminda e públiko presente por disfrutá di e promé partidonan di Kampionato Hubenil 2015-2016. Mas ku klaro e invitashon ta bai na hinter e pueblo di Kòrsou pa bin apoyá i sostené esnan mas chikí den nos famia di futbòl. Sali bo kas i bin pasa un ratu ameno den kompania di hinter bo famia i disfrutá di bo deporte preferí, e deporte rei futbòl. Entrada pa e weganan aki ta grátis! Nos ta wardabo!