Willemstad, Novèmber 2015 – E promé lustro di Curaçao International Film Festival Rotterdam (6 pa 10 di aprel 2016) ta na kaminda i pa selebrá esaki nos ta planeando diferente aktividat i ta hinkando otro aktividatnan den un bachi nobo. E promé aktividat pa kuminsá ta e kompetensia di saka potrèt, ku ampliashon di e paísnan ku lo por partisipá i bou di un otro nòmber: Capture Caribbean

Capture Caribbean

Partisipashon na e evento ta grátis i tantu profeshonal komo amatùr por partisipá. Pa selebrashon di nos promé lustro, lo amplia e paísnan ku por partisipá i awor Aruba, Boneiru, St. Maarten, St. Eustatius  i Sürnam por partisipá. Meskos ku añanan anterior e potrètnan ku ta partisipá (digital) mester ta saká na e pais partisipante i den kuadro di un tema. E temanan pa e potrèt di koló ta: As Is Where Is | Angle | Frame-Set-Contrast | Blow Up. I pa amantenan di potrèt pretu/blanku e tema ta: Night Watch. For di awe te mei anochi di 15 di mart 2016 por manda e potrètnan riba website di e festival. Pa hasi esaki, mester traha un account grátis promé. Un partisipante por manda en total 5 potrèt: un potrèt pa kada tema. Un hurado profeshonal lo saka pa keda tema e potrèt ganadó. E premio ta konsistí di un montante di $ 400. Lo anunsiá e ganadornan dia 4 di aprel riba nos website. Informashon di e kompetensia Short Movies Big Stories, lo sigui despues.