Djabièrnè 6 di novèmber ùltimo Cpost International N.V. a hasi entrega di premio na e 2 ganadónan di Youth Care Curacao 2015. Den luna di òktober, Cpost International N.V. a lansa un seri di stampia nobo rondó di e tema: Kuido di hubentut. Den kuadro di esaki, a duna hóbennan entre 12 i 20 aña e oportunidat pa gana premionan aktraktivo diseñando e seri di stampia aki. Ku esaki Cpost International N.V. ta konsientisá hóbennan riba e mundu di filatelia.
E ganadónan ta:
Promé premio: Gregelina Pieternella
Segundo premio: Ayisha Davelaar
E kompetensia a konsistí di 5 tema:
- Mucha i enseñansa
- Mucha i salubridat
- Mucha, trabou i desaroyo empresarial
- Mucha i bibienda
- Mucha i seguridat.
Pa por a partisipá, hóbennan mester a djis skohe un di e sinku temanan i diseñá sinku stampia pa e tema, òf, diseñá un stampia pa kada tema. Ademas mester a diseñá tambe un stèmpel i un envelòp. Nos kier a probecha di duna un danki na tur e hóbennan ku a partisipá i pa asina hasi e proyekto aki un éksito.