Zuikertuin Mall awor a bira mas dushi
WILLEMSTAD – Na Hulanda e kompania Jamin ya pa kasi 130 aña ta pone kurason di hendenan ku gusta boka dushi bati mas duru. Jamin ta e sitio preferí pa mangel, buskuchi dushi, chukulati, eiskrim i otro kos di boka dushi di kalidat haltu. Awor, porfin na Kòrsou tambe nos tin un Jamin, antó den Zuikertuin Mall. Fun Miles sin mas ta orguyoso di por yama Jamin bon biní na su programa. Miembronan di Fun Miles por spar i troka Fun Miles i te ku 16 di òktober ta risibí hasta dòbel Fun Miles kada bes ku nan swaip nan karchi na Jamin. Banda di esaki tin chèns pa gana un tablèt di 7 inch; no un tablèt di chukulati, pero unu elektróniko.
UN HISTORIA PA LEMBE DEDE
Cornelis Jamin na 1870 – tempu ku e tabatin apénas binti aña, – a kuminsá ku benta di kos dushi riba kaya. Ku trabou duru i un ambishon ku no tabata konosé frontera, el a ekspandé su negoshi hasié un imperio ku su propio fábrika i tiendanan repartí riba hinter Hulanda. Awor tin un filial na Kòrsou. Jamin ta para pa un tradishon pa malkriá bo mes segun bo presupuesto i esei ta algu ku ta notabel den e establesimentu na Kòrsou tambe. Hendenan ku boka dushi por akudí pa kumpra diferente tipo di mangel, buskuchi dushi, chukulati, eiskrim, artíkulonan pa hasi regalo i hasta produkto pa prepará kos dushi bo mes na kas. E tienda di Jamin den Zuikertuin Mall tin un ambiente i hospitalidat enorme di ‘fun’, di forma ku miembronan di Fun Miles ta sinti nan mes realmente dushi.
SNUP, SWAIP I GANA
Te ku 16 di òktober, Jamin ta trit tur hende ku swaip nan karchi, dòbel Fun Miles. I komo chèri riba e bolo, tur hende ku sea spar òf troka Fun Miles tin chèns outomátiko pa gana un tablèt di 7 inch. Motibu di mas pa hasi un bishita na Jamin den Zuikertuin (na e entrada nèt dilanti Bruna).
TOKANTE FUN MILES
Fun Miles ya pa mas ku diesinku aña ta é programa di spar i troka den Karibe. Ku mas di 150.000 miembro repartí riba sinku isla, Fun Miles ta fuertemente ankrá den komunidat i ta ofresé kontinuamente posibilidatnan nobo pa trese kosnan ‘fun’ na alkanse di hendenan ku tin un karchi di ‘Fun Miles’. Esaki ta posibel danki na partnernan ku ta varia for di supermerkado te ku aereolinia, i di restorant te ku pòmpnan di gasolin. Por spar Fun Miles na mas ku 150 lokalidat na Aruba, Boneiru, St. Maarten i St. Eustatius. Por troka Fun Miles pa un tesoro di produkto i servisio grátis. Fun Miles ta semper den sentro di atenshon danki na kampañanan inovativo (entre kua e kampañanan di fin di aña), evento i partnernan atraktivo manera Jamin.