Willemstad – CIBC FirstCaribbean a proveé Chocogo Resort Curaçao ku un fiansa “non-revolving term”  di US$6.4 mion pa por realisá un proyekto pa sigui desaroyá. E resort inisia pa doñonan, Gertrude i Johannes Schellevis ta djis un paso di e área di Jan Thiel Beach i ta operá desde 1997.  E ta konta ku 159 unidat inkluyendo studio, apartamentu i bungelownan. E  fiansa, proveé pa CIBC FirstCaribbean, lo ser usá pa refinansiá e debe aktual.  Adishonalmente lo e sirbi pa Chogogo Resort tin kapital pa ehekutá su plan di renovashon.  E plan ta inkluí elevashon di e kalidat di e fasilidat i konvershon di dje pa e konsepto di “Time to Smile.”  E último aki ta keda realisá den koperashon ku e operador di tour TUI. E finansiamentu a keda reglá pa CIBC FirstCaribbean Corporate Banking.  Gerente General di CIBC FirstCaribbean pa Karibe Ulandes, Pim van der Burg a bisa, ” Esaki ta un transakshon ku ta permití nos demonstrá nos kompromiso ku Kòrsou komo un di nos merkadonan ku potensial di krese i den e sektor di hospitalidat riba nos isla.  E ta prueba tambe di e eksperensha i konosementu di nos tim di Corporate Banking den strukturá dilnan den sektor di hospitalidat i turismo.”