“Tur kos ta kla pa e bataya di sentronan di bario“

Willemstad- SB  Montaña i SB Otrabanda a uni pa huntu organisa un nokout di Futsal  den kuadro di e projekto di Usebako, pa hobennan di U 13, U 15 i U 18 . E nokout aki ta pa hobennan ku ta hunga den bario.  Tur esaki lo tuma luga na e velt di bala den kura di SB Montana na Stakamahachiweg (dilanti santana di Montana). E aktividat lo ta 13 i 14 november 2015 anochi.  Apertura lo ta djabierne 13 pa  6 or atardi pa 9 or anochi i lo sigi djasabra 14 november 2015 di 6 or atardi  pa 10 or anochi . Tur team di bario por inskribi prome ku dia 10 november 2015. E lema di e dia aki lo ta:

““Tene mucha i hoben di bario okupá na un manera sano”

Nos  ta kere ku huntu nos por logra di gana e hoben drenta kancha di sentro di barionan, I hasiendo un deporte sano ku disiplina i  respèt pa otro, lo tin un miho mayan. Ta pa esey bini na bòshi djabierne i djasabra bin apoya bo bario i bo ta duna realse na e deporte futsal. Lo tin animashon di un DJ. Sinembargo ta kosecha di tur kunuku ta yena mangasina anto sin bo aporte balioso nos lo no por logra nos meta.  Nos ke trata na mantené un union entre bario i hobenan i pa asina boso realisa ki balor bario tin i kada un di hoben  tin riba e tereno di deporte organisa di Bario pa Bario .Lo tin un bar i kushina bon surti. Pa mas informashon of sugerensha por tuma kontakto ku 462-8152 of mail nos na sentro_bario_montana@hotmail.com Un boka bisa otro