WILLEMSTAD- 5 di novèmber 2015 – Den un ambiente ameno a tuma lugá dia 5 di novèmber último e gran apertura di BeddenXperts by Jackeline. BeddenXperts by Jackeline ta ofresé kama, matras, klechi, kusinchi, laminaat di kalidat na un bon preis. Ta trata aki di materialnan prosedente di alemania. BeddenXperts by Jackeline ta spesialisá tambe den kama espesialmente pa hotèl i apartamentu ofresiendo e mihó konformidat na turistanan. E apertura ofisial a keda hasi pa e propietario, sra. Jackeline Janssen – Monteiro i direktor interino di CTB, sr. Hugo Clarinda. Na e okashon aki sr. Clarinda a enfatisá e importansia di mas kompania pa adelanto di nos ekonomia i den e kaso spesífiko aki kompanianan ku ta na benefisio di nos sektor di turismo. BeddenXperts by Jackeline ta situá na Seru Loraweg 172. Pa mas informashon bishita e página di facebook di BeddenXperts by Jackeline.