Raymond Rutting ta presenta ‘30 gezichten van Aruba’  Ta buscando caranan local pa bay den exposicion na Hulanda

ORANJESTAD, Aruba – 2 di november 2015: Aruba Tourism Authority hunto cu Raymond Rutting, kende ta un fotografo conoci na Hulanda, ta lansa un proyecto bunita pa celebracion di e di 30 aniversario di nos Status Aparte.

Pa e proyecto aki Rutting ta buscando 30 persona na Aruba pa ta ‘e cara di Aruba’. E ta ocupa caba cu su sacamento di potret na Aruba y ta pidiendo pa tur esunnan interesa pa forma parti di e proyecto interesante aki tuma contacto cu Paola Ochoa di Aruba Tourism Authority na telefon 594-4485 pa mas informacion. Raymond Rutting ta uzando luganan conoci, reconoci y iconico, manera Alto Vista, casnan monumental y luganan special den naturalesa pa su potretnan. Ta pidi tur persona cu ta desea di participa na e proyecto aki pa trece un obheto relativamente chikito cu nan cu ta ilustra kico ta pa ta Arubiano. Rutting lo ta sacando potretnan di cada persona cu nan obheto. E exposicion mara na e proyecto aki lo tuma luga durante 2016 na Hulanda, cu como invitadonan special e comunidad di Arubianonan biba na Hulanda..