Rignald Recordino a celebra 40 aña di Doble R cu e pueblo di Aruba

Minister Otmar Oduber a reconoce Doble R y Papito & su Doble Sabor pa nan aporte na cultura

ORANJESTAD, Aruba – 28 di october 2015: Diasabra for di algo prome cu 8or di anochi Tsunami a cuminsa su presentacion, pa despues sigui cu Papito y su Doble Sabor cu a presenta cu su elenco original, cu tabatin por lo menos 10 aña sin presenta asina. Y algo pasa di 10or di anochi, Rignald Recordino a start e “Doble R Marathon”. Di e forma aki el a yama e pueblo di Aruba danki pa e sosten y apoyo durante 40 aña largo.