WILLEMSTAD – Djasabra último dia 24 di òktober a tuma lugá na SDK Kareda di LITO, organisá pa Curaçaosche Atletiek Bond di spònser pa LITO, e Amiguitu Spardó di MCB. Kareda di LITO ta un kareda spesial pa mucha di skol di fundeshi kaminda muchanan di 6 pa 13 aña ta kore i gana premio kèsh pa nan skol, ku e skol por usa pa diferente proyekto. Un públiko hopi grandi di persona a bin apoyá tur e muchanan durante Kareda di LITO. Un total di 2230 mucha hopi entusiasmá, a kore i kompetí den 8 diferente kategoria en buska di medaya pa nan mes i premio kèsh pa nan skol. Despues di un bunita seremonia di apertura pa Excel Arts Academy i bunita interpretashon di himno di Kòrsou i pa Kristelly Cijntje e karedanan a start un tras di otro. 

Kategoria mucha muhé 6 i 7 aña ku T-shirt ku logo lila a kore 700 meter:

Ganadó: Shanay Obispo di St. Franciscus College
Di dos lugá: Dena Barby di Römerschool
Di tres lugá: Sienna Huisden di Dr. Albert Schweitzer School

Kategoria mucha hòmber 6 i 7 aña ku T-shirt ku logo oraño a kore 700 meter:

Ganadó: Djevan Jansen di Berg Carmel College
Di dos lugá: Ri-Jainel Euson di Sta. Rosa de Lima
Di tres lugá : Antoine Pietersz di Dr. Albert Schweitzer School

Kategoria mucha muhé 8 i 9 aña ku T-shirt ku logo kòrá 700 meter:

Ganadó: Kyrsha Neuman di Joan Maurits School
Di dos lugá: Alexia de Jesus di Albertus College
Di tres lugá: Mehaydi Isabella di Helfrich Krijtschool

Kategoria mucha hòmber 8 i 9 aña ku T-shirt ku logo bèrdè a kore 700 meter :

Ganadó: Rodion Martis Bito di Kolegio Chaya Willems
Di dos lugá: Daijurdion Libier di Kolegio Sta. Famia
Di tres lugá: Tobias Kaper di Dr. Albert Schweitzer School

Kategoria mucha muhé 10 i 11 aña ku T-shirt ku logo rós ku a kore 1600 meter :

Ganadó: Vanessa Mercera di Vigdis Jonckheer Mensing College
Di dos lugá: Kiyona Richardson di Mgr. Willem Ellis School
Di tres lugá: Caroline Hato di Coromoto College

Kategoria mucha hòmber 10 i 11 aña ku T-shirt ku logo hel a kore 1600 meter :

Ganadó: Noah Kaper di Dr. Albert Schweitzer School
Di dos lugá: Nikail Melfor di Divi Divi School
Na di tres lugá: Izahir Kraal di Nelly Winkel School

Kategoria mucha muhé 12 i 13 ku T-shirt ku logo blou skur ku a kore 1600 meter :

Ganadó: Riesmarly Tokaay di Mgr. Willem Ellis School
Di dos lugá: Yohennessey Mambi di C.M.L. Maduro School
Di tres lugá: Jathsury Rosa di Kolegio Sta. Clara

Kategoria mucha hòmber 12 i 13 aña ku T-shirt ku logo blou skur a kore 1600 meter :

Ganadó: Armin Kalvenhoven di Mgr. Willem Ellis School
Di dos lugá: Jeardyann Peterson di Kolegio Chaya Willems
Na di tres lugá: Edsel Mathilda di Mgr. Nieuwindt College

Tur amiguitu di LITO ku a kore a haña un bunita “button” di rekuerdo pa nan partisipashon i e promé 10 muchanan, den kada un di e 8 diferente kategorianan, a risibí un medaya. Tur mucha ku a sali promé den e diferente kategorianan a gana NAf. 1.000,- pa nan skol, e di dos lugá a gana NAf. 500,- pa nan skol i e amiguitunan ku a sali na di tres lugá a gana NAf. 250,-pa nan skol. Na final di e kareda di kada kategoria, amiguitunan di LITO a risibí un djus, un bakoba pa yuda nan haña nan energia bèk. LITO i Maduro & Curiel’s Bank ta felisitá tur e amiguitunan ku a kai den premio. Tambe un danki di kurason na mas ku 150 boluntario kolega di MCB i tambe na Krus Kòrá ku a yuda “take care” masha bon mes di tur e muchanan ku a partisipá. Un danki spesial na Curaçaosche Atletiek Bond ku a organisá Kareda di LITO 2015.