Na 16 di Yanuari 1998 Reino Ulandes a firma e tratado Internashonal di Derechi di Mucha. Esaki ta protehá tur persona di 0 te ku 18aña, p’asina nan por tin derechi riba e.o. enseñansa, kuido médiko i protekshon kontra maltrato den tur sentido di palabra. Muchanan ta sernan vulnerabel i den sierto sentido indefenso. Pues ta nos komo adulto i mayor su deber pa kumpli ku e derechonan ku e mucha tin. Asina nos ta perkura pa un desaroyo sano i optimal di nos muchanan i por konta den futuro ku adultonan responsabel den nos komunidat. Nos muchanan ta futuro di nos komunidat, laga nos trata nan den e forma manera nos ke pa nan futuro ta! Dia 20 di novèmber ta e fecha ku tur aña internashonalmente Unesco ta pone atenshon na e derechinan di mucha. Pa duna realse na konmemorashon di e fecha aki, Stichting Kinderbescherming Curaçao i telefon pa mucha i hoben 918 ta òrganisa un gran kaminata titulá “Rights 4 the Child Walk”. Meta tras di e kaminata aki ta pa di chikí te grandi subi kayanan di Kòrsou demonstrá i selebrá  e derechinan ku muchanan tin i pa sostene Stichting kinderbescherming Curaçao i Telefon pa mucha i hoben 918 den e trabounan diario.  Kanamentu ta bon pa salú. Bin sostené Stichting Kinderbescherming Curaçao i e derechinan universal di mucha. Kumpra bo T-shirt i partisipá!

Fecha: 15 Novèmber 2015

Orario: 06:30 zumba warm up i 07:00 kaminata ta ranka sali.

Luga: Waaigat (7km)

Preis: fl. 15 (adulto); fl.7,50 (mucha te ku 12 aña)

T-shirt optenibel na:

Stichting Kinderbescherming Curaçao, Kaya Otto Senior 6, Scharloo, entre 10:00 pa 15:30 or. Shana Curacao, Madurostraat 34, Punda, entre 09:00 pa 18:00 or.

Bishitá nos facebook page pa mas informashon: www.facebook.com/rights4thechildwalk Of yama nos na: +599 9 461-4444. Tur esaki ku chèns pa gana ticket pa Aruba i Boneiru i tambe un surprise goody bag di Penha. Ta ki’ bo ta warda? Kumpra bo T-shirt awe mes!