WILLEMSTAD – Tabata djamars atardi ku Renaissance Curaçao Resort a hasi introdukshon di su menú i tema pa e fin di aña aki i ademas e invitadonan a sera konosí ku e konsepto nobo di “Meetings Imagined”. Un grupo di invitadonan ehekutivo i selekto kompañá pa miembronan di prensa a haña oportunidat di mira e konsepto pa un selebrashon di Pasku estilo di “Christmas Re-Imagined” ku ta e konsepto di mas nobo di Renaissance Curaçao Resort. Den esaki ta enfoká un bes mas riba inovashon den área di servisio, espasio, teknologia i gastronomia- tur esaki pa ofresé un eksperiensia úniko i inolvidabel. Di akuerdo ku ehekutivonan di Renaissance Curaçao Resort, ”Nos ta konosí pa ‘host’ konferensianan lokal i regional i ku e konsepto nobo di “Meetings Imagined” nos por ofresé kada grupo un eksperiensia ku ta kuadra ku e meta di nan reunion, konferensha o selebrashon.

Durante e anochi aki invitadonan a keda altamente impreshoná pa e dekorashon luhoso ku Renaissance Curaçao Resort & Casino a presentá. Manera tur aña a pone énfasis riba e selekshon kulinario eksepshonal i diferente di tur loke ta bai wòrdu ofresé durante e selebrashon di Pasku. Un bes mas e kliente tin e oportunidat di krea su mes menú a base di un lista di opshonnan ku Renaissance Curaçao Resort ta ofresé. Pa selebrá e fin di aña aki huntu ku famia, konosí òf koleganan di trabou na Renaissance Curaçao Resort & Casino hasi reservashon awe mes yamando 435-5015 of via email kspecht@curacaorenaissance.com. Pa mas informashon di e konsepto di Meetings Imagined, por usa e link www.meetingsimagined.com