Willemstad – Kliente di RBC ku ta spar, invertí òf brinda servisio na kliente den e sektor finansiero, sigur lo benefisiá di informashon tokante plaka stranhero. Ajay Surjbalisingh , e Regional Manager FX Trading pa Dutch Caribbean, a duna un presentashon tokante plaka stranhero na un grupo di kliente i esaki sigur a kai den bon tera. E presentashon a tuma lugá resientemente durante un evenemento spesial. Surjbalisingh a duna e kliente konseho tokante realisashon di metanan di e organisashon dor di hasi uso di produkto i servisionan ku RBC ta ofresé riba e tereno aki.

Serka su klientenan RBC ta konosí pa su evenementonan di konseho, kaminda ta dediká atenshon na tep i konseho práktiko pa su gruponan di kliente. E evenemento aki a bira un realidat despues ku dos tim di RBC a disidí di traha huntu: Business Banking i Sales & Trading (FX) i Luigi de Freitas (Account Manager Retail Business Banking) a guia e projekto. E kantidat di personanan ku a bishitá e evenemento a surpasá tur espektativa i e klientenan tabata entusiasmá pa e opshonan ku tabata disponibel pa nan.

E kolaborashon entre e dos timnan di RBC tabata eksitoso. Por mira esaki den e echo ku kliente a duna di konosé ku RBC ta birando mas i mas aksesibel i ku banda di esei e banko ta ofresé produktonan mehorá di kalidat haltu i ku un servisio mas lihé na e kliente.

Area Vice President Business Banking, Russell Kopke, a bisa: “Ta fantástiko pa por yuda kompaníanan na Kòrsou yega na solushonan ku ta redusí kosto i ku ta kontribuí na un kresemento ekonómiko den un región ku ta wòrdu karakterisá dor di un merkado di moneda kompliká. Ademas, tabata great di por a mira nos kolega Luigi organisá su promé evenemento eksitoso.”