Willemstad- Dia 4 di Oktober proksimo diferente artista antiano i lokal lo bai ta huntu den un konsierto grandi ku tei tuma luga na International School of Curacao. Ta trata aki di e konsierto “Union Bosnan di Reino” ku tei konta ku presentashon di entre otro Meritza Haakmat i Reinier Lijfrock kendenan lo kanta den representashon di Islanan ariba. Huntu ku nan lo tei tambe Boy Thode kantando den representashon di Korsou, Claudius Phillips di Aruba kantando den representashon di Aruba, Julius Andrews pa hermana Isla Boneiru i e gran kantante Tony Shearman pa Hulanda. E intenshon tras di e konsierto aki ta pa mustra ku no opstante e islanan ta separa, nos ta keda ruman i ku atrabes di musika i kansionnan bunita nos por pone kurason di un pueblo bati di alegria. Segun Boy Thode a deklara, tur e artistanan lo keda kompana pa un orkesta konsisti pa nos muho musikonan lokal, bou di direkshon di Gregory Colina. E konsierto ta kuminsa 8or en punto i entrada ta kosta fl.55,– Karchi  VIP ta kosta  fl.100,– Karchi ta optenibel na Tik Tak, Mensings Caminada, Every days Gifts & More, Beeb Beep i tambe na Pa reservashon di karchi VIP por yama telefon 523 6906 of 692 2678