Djadumingu 27 di Sèptèmber próksimo:

WILLEMSTAD – Djadumingu 27 di sèptèmber próksimo lo tin e promé edishon di ‘Flavors of Curaçao’. Esaki ta un evento ku lo sirbi komo un ekshibishon kulinario pa mas òf ménos 20 restorant lokal. Xquisit Restaurant tambe lo tei i lo ekshibí platonan ekskisito durante e evento. ‘Flavors of Curaçao’ lo tuma lugá riba Dia di Turismo entre 4:00pm i 11:00pm riba Kleine Werf. A lansa e evento aki komo un produkto kulinario pa komplementá e eksperensia di e turista na Kòrsou. E promé edishon di ‘Flavors of Curaçao’ ta pinta di lo ta e evento kulinario den airu liber  di mas grandi ku Kòrsou a konosé. Ademas di eksperensiá e sabor real di Kòrsou tin oportunidat di disfrutá di bebidanan prepará ku likor di markanan premium i un bar spesial di shampaña i kòktel. Entrada pa e evento lo ta Naf. 25.00 i platonan ta varia entre Naf. 2.50 (1 token) te Naf. 20.00 (8 token). Xquisit Restaurant ubiká den Renaissance Mall ta invitá Kòrsou kompletu pa bin eksperensiá na dushi platonan prepará spesialmente pa ‘Flavors of Curaçao’. Nan lo presentá e.o Open Mushroom Ravioli, Jumbo Shrimps, Sauteed Red Snapper i Pulled Pork Potato-Wich. Disfrutá di bo platonan preferí na porshon chikitu i alabes purba sabornan nobo di e mihó restorantnan riba nos isla. Esnan ku ta interesá di bishitá e evento por kumpra karchi na e puntonan di benta Mensing’s Caminada, Albert Heijn, 24 Uur uit de Muur i tur restorantnan partisipante.