WILLEMSTAD ─ Riba djabièrne, 16 di oktober 2015, ENNIA lo organisá pa di tres bia ‘PreventNow!’; un seminario grátis na Kòrsou. Di 8 or di maínta pa 6 or di atardi diferente oradó i speshalista internashonal lo interkambiá nan konosementu i eksperiensia riba tereno di seguridat di tráfiko, kombatimentu di kalamidat i komunikashon den tempu di krisis. Esaki ta tuma lugá den World Trade Center. Durante e seminario aki lo presta atenshon spesial na e implementashon aki na Kòsou i e pregunta: “Kon bon nos komo komunidat, gremio empresarial i siudadanonan ta prepará ?”

Konseho práktiko

Pa empresa, instansha di gobiernu i personanan privá ku ke prepará nan mes bon pa un kalamidat, aksidente i daño adishonal, e seminario aki ta ofresé konosementu i komprondementu nobo, i alabes hopi konseho práktiko i tep. Oradónan lokal i internashonal, entre otro di Merka, di Trinidad & Tobago i di Hulanda, lo konta di nan eksperiensia riba tereno di kalamidat mundial. Esaki ta sosodé durante nan presentashon ku lo tuma lugá parti maínta. Durante nan presentashon e oradó alabes lo konta di inundashon, teremoto, orkán, kandela i seguridat di tráfiko i kon esaki lo ta tuma lugá na Kòrsou. Parti mèrdía lo tin tayer kompákto, kaminda negoshinan lokal lo presentá un kantidat grandi di produkto i servisio preventivo ku lo ta interesante pa otro negoshinan i personanan privá.

Trend mundial

Remarkabel e aña aki ta e kantidat grandi di oradó interesante di organisashonan internashonal renombrá manera por èhèmpel FEMA (Federal Emergency Management Agency), CDEMA (Caribbean Disaster Emergency Management Agency) i CTO (Caribbean Tourism Organization). Nan lo no konta di nan eksperiensia personal i profeshonal so, pero lo papia tambe di desaroyonan i mundial riba tereno di kombatimento di kalamidat, seguridat di tráfiko, komunikashon den tempu di krisis i otro temanan di prevenshon ku ta importante i relevante pa Kòrsou.

Mas informashon

Pa mas informashon tokante e seminario aki di PreventNow! na Kòrsou, bishitá www.ennia.com.