Grupo di Karnaval Helengue ta tròt den bòm pa asina hasi e gran debut pa Kòrsou su karnaval 2016. Helengue ta un grupo ku den ménos di un par di luna a kapta atenshon di pueblo kompletu ku e sistema ku nan a introdusí nan mes den komunidat i sigur pa engrandesé Korsou su karnaval. Helengue su prioridat ta ser inovativo, moderno i ku e fokus riba Ambiente. Di e manera aki Helengue a sa di engrandesé su miembresia i alabes ta ekspandiendo su ala dor di introdusí 2 sekshon mas pa ku e grupo. Helengue Fun ta pa e hóben ku tin gana di kuminsá prepará su mes pa forma parti di karnaval ku un budget abou pa asina hasi su partisipashon den karnaval un eksperensia inolvidabel. Loke ta trata e entretenimiento ta den man di NSTY Play ku sigur a sòru pa drenta den kurason di tur hóben aki na Kòrsou ku nan estilo mágiko di entretené.

Helengue Fun ta e grupo di ambiente ku sigur lo hala atenshon durante di marcha 2016 mirando ku no solamente ta jump i pasa bon, sino ta e futuro Helengueros ku lo disfrutá di tur e aspektonan di grupo Helengue pagando solamente un preis superFun di Fls 550,- . Helengue Luxurious ta e parti luhoso di Helengue los di loke ta trata e sekshon di VIP ku tambe ta bira un sorpresa den karnaval. E trahenan ta hopi bunita manera Kòrsou ke brinda su karnaval, un karnaval Shik. Pa e parti di Helengue Luxurious grupo Helengue tin un pakete hopi spesial pa asina brinda tur persona ku kier kana modelá i hasi bunita den karnaval. Helengue Luxorious ta kosta un poko mas ku e parti general. Si bo bini ku bo pareha, amiga òf un amigu bo ta risibí un pakete hopi mas spesial komo pareha.

Helengue su pakete spesial ta pa stimulá e pueblo ku tin gana di bisti trahenan luhoso den nos karnaval pa djòin Helengue su debut ofisial pa karnaval 2016 di un manera ekonómiko pero ku tur e aspektonan di un grupo elegante. Mester pone énfasis ku Helengue Luxurious ta bai ku un kantidat super limitá mirando ku e trahenan mester di hopi dedikashon, atenshon i alabes mirá pa loke ta detaye. Si bo ta interesá di bai den karnaval ku grupo Helengue ta fásil, bo por yama òf app 5213700 òf bo por like nos facebook page di Helengue. Alabes si bo kier presensia demostrashon di e trahenan bo mester registrá bo mes pa asina bo por presensia e presentashon di e trahenan Helengue Fun i Helengue Luxurious dia 7 di òktober próksimo. Helengue ta nos tin e Ambiente.